काठमाडौँ । काठमाडौँ महानगरपालिकाले अन्नपूर्ण न्युरो अस्पताललाई हानिकारक फोहर व्यवस्थापन गराउन सात दिनको समय दिएको छ ।
महानगरको अनुगमन गर्ने टोलीले अस्पतालमा विभिन्न फोहोर वस्तुहरू नियमित रूपमा व्यवस्थापन नभएको भेटिएपछि अस्पताललाई सोही फोहोरलाई संकलन गर्न सात दिनको समय दिएको हो ।
अनुगमनका टोलीले अस्पतालमा फोहर व्यवस्थापनका लागि आफ्नो कार्य योजना नबनाएको आकस्मिक कक्ष, शल्यक्रिया कक्ष, वार्ड, प्रयोगशालासहितका स्थानमा हेर्दा फोहर वर्गीकरणमा एकरूपता नदेखिएको बताएको छ ।
यस्तै सर्वसाधारणहरूले पनि कुन बिनमा कुन फोहर राख्ने भन्ने जान्न हानिकारक फोहर निर्मलीकरण गर्ने प्रविधि जडान गरिएको तर यो प्रविधिबाट निर्मलीकरण भएको फोहर जोखिममुक्त भयो कि भएन भनेर भन्न सक्ने अवस्था नभएको अनुगमन टोलीले जनाएको छ ।
विक्री योग्य फोहर राखिएको ठाउँमा कालो प्लास्टिकमा पोको बनाइ राखेको पाइएको छ ।
