दीपेन्द्र प्रजापति/कालो झोला ।
बीरगंज, १७ श्रावण । ईलाका प्रहरी कार्यालय, पटेर्वा सुगौली ले विशेष सूचनाको आधारमा शनिबार बिहान करिब ०७:१० बजेको समयमा करिब साढे आठ किलो ग्राम प्रतिवन्धित लागु औषध गाँजा सहित एक जना मानिस र भारतीय नम्बर प्लेटको मोटरसाईकल आफ्नो नियन्त्रणमा लिएको छ ।
सूचना परिचालन तथा प्रहरी कारवाहीको सिलसिलामा उक्त दिन पर्सा जिल्लाको पटेर्वा सुगौली गाउँपालिका वडा नं. ०४, करबोला चोक स्थितमा त्यहाँ बाट खटिएको नियमित चेकिङ टोलीले चेक जाँच गर्ने क्रममा बलुवाबाट देउरवाना तर्फ जादै गरेको BR 05 AG 6805 नम्बरको भारतीय मोटरसाईकल रोकी कानूनी रित पुर्याइ चेक जाँच गर्ने क्रममा उक्त मोटरसाईकलमा सवार पर्सा जिल्लाको पर्सागढी नगरपालिका वडा नं. ०९, एकटांगा बस्ने वर्ष ३४ को जगमोहन यादवले मोटरसाईकलको सिटमुनी र आफ्नो शरीरमा बाँधीएको लागु औषध गाँजा ८ के. जी. ४ सय ४० ग्राम फेला परेको हुँदा बरामद लागु औषध गाँजा उल्लेखित नम्बरको मोटरसाईकल र निज जगमोहन यादवलाई नियन्त्रणमा लिइ जिल्ला प्रहरी कार्यालय, पर्सा मा ल्याइ निज विरुद्द लागु औषध सम्बन्धी कसूरमा थप अनुसन्धान कार्य भइरहेको कुरा सूचना अधिकारी प्रहरी नायब उपरीक्षक किशोर लम्साल ले बताएका छन् ।
