दीपेन्द्र प्रजापति/कालो झोला ।
बीरगंज, ०७, भदौ । प्रहरी चौकी, ईनर्वा पर्साले बिहीबार दिउँसो करिब ०२:०० बजेको समयमा वीरगञ्ज महानगरपालिका वडा नं. १६, शकराचार्य गेट स्थित सडक खण्ड बाट प्रतिवन्धित लागु औषध गाँजा सहित एक जना मानिसलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको चेकिङ टोलीले चेक जाँच गर्ने क्रममा संकाष्पदरूपमा पैदल हिंडिरहेको अवस्थामा पर्सा जिल्लाको कालिकामाई गाउँपालिका वडा नं. ०३, हरिहरपुर टोल बस्ने बर्ष ३५ को ललन पासवानलाई रोकी कानूनी रीतपुर्याई खानतलासी गर्दा निजले पछाडी भिर्ने रातो रङ्को झोला भित्र लुकाई छिपाई राखेको प्रतिबन्धित लागु औषध गाँजा ५ के. जी. ९ सय ग्राम फेला परेको हुँदा उल्लेखित लागु औषध सहित निजलाई नियन्त्रणमा लिइ निज विरुद्ध लागु औषध सम्बन्धी कसूरमा पर्सा जिल्ला अदालत बाट सात दिनको म्याद थप अनुमति लिइ थप अनुसन्धान कार्य भैरहेको कुरा आज जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक दीपक भारति ले बताएका छन् ।
