माछापुच्छ्रे बैंक लिमिटेडको आगामी पौष २८ गते आईतबारका दिन हुने वार्षिक साधारण सभामा ३ जना पब्लिक संचालकको निर्वाचनको कार्यक्रम रहेको छ । आज पौष १९ गते सम्पन्न मनोनयन दर्ता कार्यक्रममा ४ जनाको उम्मेदवारी परेको छ । उम्मेदवारी दिएकाहरुमा बिगत ८ बर्ष देखि संचालक रहेका जयमुकुन्द खनाल, धितोपत्र बोर्डको वर्तमान अध्यक्षका भाई सुनिलनारायण श्रेष्ठ, के.सी. समूहका सदस्य श्रीमती मनिषा भण्डारी के.सी. र अर्का उम्मेदवार माछापुच्छ्रे बैंकमा बिगत १८ बर्षदेखि बिभिन्न विभाग र शाखामा व्यवस्थापकीय श्रेणीमा अनवरत रुपमा कार्यरत रही २०७७ साल मंसीरमा ५८ बर्षको उमेर हदका कारणले अनिबार्य अबकाश पाएका बिनोदकुमार सिंह (बिनोदसिंह भण्डारी) छन् ।
सिंह माछापुच्छ्रे बैंकको बिकासमा उत्कृष्ठ योगदान पुर्याएको मध्येका एक मानिन्छन् । पोखरामा स्थापना भएको क्षेत्रिय बैंकलाई राष्ट्रिय स्तरको बैंक बनाउन उनको अहम भूमिका थियो । पुतलीसडकमा कर्पोरेट कार्यालयको स्थापना देखि लाजिम्पाट स्थित बैकको हालको कर्पोरेट कार्यालय एम.बि.एल टावरको स्थापनामा उनको योगदान रहेको छ । स्टयाण्डर्ड फाईनान्स मर्जर अघि निज सिंह कै नेतृत्वमा देश भरी बैंकको शाखा संजाल विस्तार भएको हो । माछापुच्छ्रे बैंकले ग्राहकहरुको सेवालाई विस्तारित गर्न सार्वजनिक बिदाको दिनमा समेत ३६५ दिने बंैकिङ्ग सेवा, Evening Counter Service, Morning Time Banking का साथै देशको कुनाकुनामा पुगेको बैंकको एटिएम सेवाको बिस्तारमा निज सिंहको उल्लेखनीय योगदान रहेको बुझिएको छ ।
माछापुच्छ्रे बैंकमा नियुक्ति हुनु अघि निज सिंहले नेपाल टेलिभिजनको विभिन्न विभागीय प्रमुखको रुपमा १२ वर्ष काम गरेको अनुभव छ । यसका अतिरिक्त उनीसंग स्टक एक्सचेन्ज र कर्मचारी सञ्चयकोष जस्ता ठूला आर्थिक संस्थाहरुमा समेत काम गरेको अनुभव छ । संचालक पदका उम्मेदवार सिंह वरिष्ठ बैंकर तथा अर्थविद् राजनसिंह भण्डारीका नाता पर्ने हुन् ।
बंैकले आफनो आर्थिक अवस्था सुदृढ पार्न र शाखा कार्यालयहरुको स्थायित्वका लागी पोखराको महेन्द्रपूल, तनहुँको दमाली, बाग्लुङ्गको बाग्लुङ्ग बजार, जोमसोमको जोमसोम बजारमा आफनै स्वामित्वको जग्गामा शाखा संरचना निर्माण गरिएको थियो भने भैरहवाको देवकोटा चोकमा बंैकको लागी जग्गा खरीद गरिएको थियो जहाँ हालसालै नयाँ भवन निर्माण गरी भैरहवा शाखा कार्यालय स्थानान्तरण गरिएको छ । काठमाण्डौको थापाथलीमा समेत कर्पोरेट कार्यालयका लागी जग्गाको ब्यवस्थापन गरिएको थियो ।
