सिन्धुली । सिन्धुलीको दुधौली नगरपालिका–१, गिचिहानी गाउँमा अविरल वर्षापछि आएको बाढीले ठूलो क्षति पुर्याएको छ ।
शनिबार दिउँसो करिब साढे ३ बजेतिर भएको मुसलधारे वर्षापछि विचित्र खोलामा आएको आकस्मिक बाढी बस्तीमा पसेर ठुलो नोक्सान गरको छ । बाढीले गाउँका १० घर डुबानमा परेका छन् भने स्थानीय भद्र कुमारी दनुवार घाइते भएकी छिन् । घरभित्र फसेकी दनुवारलाई ईलाका प्रहरी कार्यालय दुधौलीबाट गएको प्रहरी टोलीले सकुशल उद्धार गरेको थियो । उनको अवस्था मध्यम रहेको र दुधौली नगर अस्पताल सिर्थौलीमा उपचार भइरहेको जिल्ला प्रहरी कार्यालय सिन्धुलीले जानकारी दिएको छ ।
प्रहरीले क्षतिको विवरण यकिन नभएको बताएको छ ।
