काठमाडौं । निर्वाचन आयोगले मतदान शान्तिपूर्ण र उत्साहजनक रूपमा सम्पन्न भएको जानकारी दिएको छ ।
मतदान सम्पन्न भए लगत्तै आयोगले पत्रकार सम्मेलन गरेर आजको मतदानमा करिब ६० प्रतिशत मतदान भएको प्रारम्भिक अनुमान गरेको बताएको हो ।
कार्यवाहक प्रमुख निर्वाचन आयुक्त रामप्रसाद भण्डारीले करिब ६० प्रतिशत मत खसेको अनुमान रहेको बताउदै विवरण संकलन गर्ने क्रम जारी रहेको बताएका छन् ।
भण्डारीले केहि मतदान केन्द्रमा मतदान जारी रहेको र छिटफुट घटना बाहेक निर्वाचन शान्तिपूर्ण सम्पन्न भएको बताए । उनले मतपेटिका संकलन भएपछि तत्काल देखि नै मतगणना शुरु हुने उनले बताए । त्यस्तै आयोगले दुर्गमका १५ जिल्लाका मतपेटिका हेलिकप्टरबाट संकलन गर्ने कार्य शुरु भइसकेको जानकारी दिए ।
