काठमाडौँ । जोसुवा जिरेक्सीले डेब्यु खेलमै गोल गरेपछि म्यानचेस्टर युनाइटेडले इङलिस प्रिमियर लिगमा विजयी सुरुवात गरेको छ ।
सिजनको पहिलो खेलमा युनाइटेडले फुलहम माथि १-० गोलको जित हात पारेको हो ।
ओल्ड ट्राफोर्डमा गएराति युनाइटेड, फुलहमसँग पहिलो हाफमा गोलरहित बराबरीमा रोकिएको थियो । फुलहमका केन्नी टेटले सशक्त प्रहार गर्दै युनाइटेड गोलकिपर आन्द्रे ओनानाको परीक्षण गरेका थिए ।
त्यसपछि फुलहमका गोलकिपरले युनाइटेडका तीन प्रयासको उत्कृष्ट बचाउ गरे । बुर्नो फर्नान्डेजको प्रहारमा दुई पटक बाधक बनेका बन्ड लेनोले मेसोन माउन्टलाई पनि सफल हुन दिएनन् ।
६१ औं मिनेटमा एरिक टेन हाखले जोसुवालाई, अलेहान्द्रो गारान्चोसँगै मैदान प्रवेश गराए । दुवै टिमका लागि सुपर सब साबित भए । ब्रेक थ्रु का लागि संघर्ष गरिरहेको युनाइटेडले ८७ औं मिनेटमा अग्रता लियो ।
