दीपेन्द्र प्रजापति/कालो झोला ।
बीरगंज, ०२ असोज । सशस्त्र प्रहरी बल नेपाल सुरक्षा बेस, बहुअर्वा भाठ्ठा ले आज बिहान करिब ०९:३० बजेको समयमा बीरगंज-ठोरी हुलाकी राजमार्ग बाट करिब लाखौं मूल्य बराबरको प्रतिवन्धित विभिन्न किसिमका पटकाहरु बरामद गरि नष्ट गरेको छ ।
एका विहानै बेसपति सशस्त्र प्रहरी नायब निरीक्षक तोयानाथ आचार्यको कमाण्डमा खटिएको चेकिङ टोलीले चेक जाँच गर्ने क्रममा पोखरीया तर्फ बाट बीरगंज तर्फ आउदै गरेको मोटरसाइकल लाई चेक जाँच गर्नु भन्दा अगावै चालकले उल्लेखित राजमार्गमा खटिएको सशस्त्र प्रहरी लाई देख्नासाथ मोटरसाइकल बाट अन्दाजी मूल्य रू. १ लाख ०९ हजार बराबरको पटका का ४ वटा बोराहरु रोडमा फ्याकेर भागेको हुनाले नियन्त्रणमा लिइ आवश्यक प्रक्रिया पूरा गरि आजै दिउँसो करिब ०२:४० बजेको समयमा नेपाल प्रहरी, स्थानीय राजनीतिक दलका प्रतिनिधी, स्थानिय बासी तथा संचारकर्मीहरुको रोहबरमा खाल्डोमा पुरी पानी हाली माटोले पुरी नष्ट गरिएको छ ।
