काठमाडौँ । नेपाली काँग्रेसका केन्द्रीय सदस्य नैनसिंह महरले एमाले अध्यक्ष केपी शर्मा ओली सरकारको सफलता र असफलतासँग काँग्रेसको प्रतिष्ठा जोडिएको टिप्पणी गरेका छन् ।
काँग्रेस डडेल्धुराले आयोजना गरेको कार्यक्रममा बोल्दै सरकारले जनता छाएको निराशालाई आशामा बदल्न असफल भएको बताए ।
उनले भने, ‘सरकार जनअपेक्षा अनुसार चल्न सकेको छैन । १०० दिने हनिमुन अवधिमा सरकारले खासै सफलता हात पार्न सकेन । संसद्को सबैभन्दा ठूलो पार्टी काँग्रेस मूकदर्शक भएर बसेको छ । यो सरकारका सफलता र असफलतासँग काँग्रेसको प्रतिष्ठा जोडिएको छ ।’
उनले काँग्रेसको जारी १०० दिने अभियानमा सरकारप्रति जनता सन्तुष्टिको समीक्षा हुने बताए ।
