दीपेन्द्र प्रजापति/कालो झोला ।
बीरगंज, ०७ माघ । जिल्ला प्रहरी कार्यालय, पर्साका कार्यालय प्रमुख प्रहरी उपरीक्षक कुमोध ढुंगेलले ईलाका प्रहरी कार्यालय, पटेर्वासुगौली, पर्सा तथा ईलाका प्रहरी कार्यालय, पोखरिया, पर्साको अनुगमन तथा निरीक्षण भ्रमण गरेक छन् । भ्रमणको क्रममा सोमबार ईलाका प्रहरी कार्यालय, पटेर्वासुगौली तथा ईलाका प्रहरी कार्यालय, पोखरीया मा रहेको सम्पुर्ण शाखाहरु, हिरासत कक्षको निरीक्षण तथा अवलोकन गर्नु भएको थियो ।
निरीक्षण पश्चात् मातहतका कार्यालय प्रमुखहरु समेतको उपस्थितमा सम्पुर्ण प्रहरी अधिकृत तथा जवानहरुलाई अमुल्य निर्देशन दिनु भएको छ ।
निर्देशन कै क्रममा वहाँले प्रहरी संगठनले दिएको जिम्मेवारी वहन गरी संगठनको अपेक्षा बमोजिम प्रस्तुत हुन र व्यवसायिक जिम्मेवारी वहन गर्दा आई पर्ने समस्या र चुनौतीहरुलाई आफ्नो धर्म र कर्तव्य ठानेर न्यायिक तवरले आफ्नो पदिय दायित्व निर्वाह गर्न र प्रहरी कर्मचारीहरुले अनुशासनको पालना गरी भातृत्व भावका साथ सभ्य र सबैलाई स्विकार्य हुने व्यवहार गरी जन मैत्री प्रहरी सेवा प्रदान गर्नु पर्ने बताएका छन् ।
साथै जिल्ला प्रहरी प्रमुखको हैसियतले आफुले कुशल अभिभावकको जिम्मेवारी वहन गर्दै हर दुखः सुखमा जिल्ला प्रहरी कार्यालय, पर्सा तथा मातहत प्रहरी युनिटमा कार्यरत सम्पुर्ण प्रहरी कर्मचारीहरुको साथ र सहयोग गर्ने प्रतिवद्दता व्यक्त गर्नु भएको छ ।
