काठमाडौँ । बार्सिलोनाले स्पेनिस ला लिगा अन्तर्गत भलेन्सियामाथि फराकिलो जित हासिल गरेको छ ।
गएराती सम्पन्न खेलमा बार्सिलोनाले भलेन्सियालाई ६-० गोल अन्तरले पराजित गरेको हो । बार्सिलोनाको जितमा फेर्मिन लोपेज, राफिन्हा र रोबेर्ट लेवानडोस्कीले २-२ गोल गरेका थिए ।
यस सिजनमा बार्सिलोनाको यो ४ खेलमा तेस्रो जित हो । यो जितपछि बार्सिलोनाको ४ खेलमा १० अंक भएको छ र अंक तालिकामा दोस्रो स्थानमा उक्लिएको छ ।
त्यसैगरी भलेन्सियाको भने यस सिजनमा यो दोस्रो हार हो । यो हारपछि भलेन्सियाको ४ खेलमा ४ अंक रहेको छ र १५औं स्थानमा छ ।
