काठमाडौँ । पाकिस्तानले संयुक्त अरब इमिरेट्स (युएई) लाई ४१ रनले पराजित गर्दै एसिया कप २०२५ को सुपर फोरमा छनोट भएको छ ।
गएराती सम्पन्न खेलमा टस हारेर पहिले ब्याटिङ गरेको पाकिस्तानले २० ओभरमा ९ विकेट गुमाएर १४६ रन बनाएको थियो । जवाफमा युएईले १७.४ ओभरमा केवल १०५ रन मात्र बनाउन सक्यो र अलआउट भयो । पाकिस्तानका लागि शाहीन शाह अफ्रिदी, हरिस रौफ र अब्रार अहमदले दुई-दुई विकेट लिए भने साम अयुब र सलमान आघाले एक-एक विकेट लिए ।
समूह ए बाट भारत र पाकिस्तान सुपर ४ मा पुगेका छन् । भारतले आफ्ना दुवै खेल जित्यो र चार अंक र +४.७९३ को नेट रन रेटका साथ शिर्ष स्थानाम छ भने पाकिस्तान ३ खेलमा २ खेल जितेर दोस्रो स्थानमा रहेको छ । भारतले आफ्नो अन्तिम खेल ओमानसँग भोलि खेल्ने तालिका रहेको छ । यसैबीच, पाकिस्तानले आफ्ना समयः चरणका तिनै खेल खेलेको छ । पहिलो खेलमा ओमानलाई ९३ रनले पराजित गरेको थियो भने दोस्रो खेलमा भारतसँग पराजित भएको थियो ।
समूह ए बाट युएई र ओमान भने बाहिरिएका छन् ।
एशिया कप अन्तर्गत आज अफगानिस्तान र श्रीलंकाबीच खेल हुदैछ ।
