दीपेन्द्र प्रजापति/कालो झोला ।
बीरगंज, २१ असोज । पर्सा जिल्लाको पोखरिया नगरपालिका वडा नं. ०५, सतवरियामा रहेको दलित बस्तीका ७५ जना बाढ़ी पीड़ितको घर परिवारमा खाने, बस्ने, सुत्ने ब्यबस्थाको साथै चामल, दाल, नून, तेल प्याज आलु ,सोयाविन ,तरकारी, मसाला, त्रिपाल सहित राहत सामग्री वितरण गरियको छ ।
दुई दिन देखी परेको अविरल वर्षाका कारण सतवरिया स्थित रहेको दलित बस्ती पूर्ण रूपमा डुबानमा परी जनजीवन अस्त व्यस्त कष्टकर बनेको थियो । खुला आकाश मुनी बसेर रात कटाई रहेको बाढी पीड़ितलाईं जन जीवन सामान्य बनाउंन नगरपालिकाले राहत सामग्री वितरण गरेको पोखरिया नगरपालिकाको नगर प्रमुख प्रद्युमन प्रसाद चौहानले बताएका छन् ।
नगर प्रमुख चौहानका अनुसार बाढी पीड़ित लाईं कुनै किसीमको असुविधा भएमा वा कुनै काम का लागी आवश्यक परेमा तत्काल उदार तथा थप राहतका लागी त्यार रहन नगर प्रहरी, विपत् व्यवस्थापन शाखा, जिंसी शाखाका कर्मचारीहरुलाई निर्देशन दीदै लापरवाही भए कड़ा कारवाही गरीने चेतावनी पनि दिएका हुन ।
राहत वितरण कार्यक्रम वडा नम्बर ५ को वडा अध्यक्ष महेन्द्र महतो चाईको अध्यक्षतामा भयको कार्यक्रममा वडा सदस्य पन्नालाल राम, पोखरिया नगरपालिकाको प्रमुख प्रशासकीय अधिकृत रामविनय कुमार सिंह,प्रशासन शाखा प्रमुख संजय कुमार पाण्डेय, विपत ब्यवस्थापन शाखा प्रमुख राजेश पटेल, जिंसी सहायक भगवान प्रसाद कानू, शिक्षा शाखा सहायक लालन पटेल, स्वास्थ्य शाखा सहायक शिव पटेल, नगर प्रहरी दीनानाथ चौरसिया, दिनेश चौहान , इलाका प्रहरी कार्यालय पोखरियाको प्रतिनिधि, शास्त्र प्रहरी सुरक्षा बेस पोखरियाका प्रतिनिधि, स्थानीय मंगल साह कानू,टायसन यादव, गाया साह कानू, लालाबाबू प्रसाद चौहान, नंदकिशोर प्रसाद चौहान लगायातका ब्यक्ति समाज सेवी तथा बुद्धिजीवीहरुको उपस्थितिमा राहत वितरण गरिएको छ ।
