दीपेन्द्र प्रजापति/कालो झोला ।
बीरगंज, २९ असोज । बीरगंज महानगरपालिका वडा नं. २६ को अठराहाँ सुगौली बिर्ता टोलमा आउँदो कार्तिक १२ देखि १६ गते सम्म मेलाको आयोजना हुने भएको छ ।
पहिले गाउँ विकास समिति हुँदा खेरी गाविस सुगौली बिर्ता वडा नं. ०१ देखि ०९ सम्म थियो जस अनुसार दुई वटा गाउँ अठराहाँ र सुगौली बिर्ता एउटा पञ्चायत रहेको थियो । तर शहरीकरण भए पछि बीरगंज महानगरपालिका वडा नं. २६, सुगौली बिर्ता कायम भएको छ ।
हुन त काम काजको भाषामा वडा नं. २६, सुगौली बिर्ता भएतापनि वडा स्तरीय कुनै पनि कार्यक्रम जस्तै महायज्ञ, महापूजा तथा मेलाको आयोजना हुँदा ब्यानरमा मात्र सुगौली बिर्ता देखिनुले अठराहाँ टोल का जेन्जी युवाहरु आफ्नै टोलमा बैठक बसी आयोजना हुने मेला समेत अध्यक्ष शम्भु मिश्रा को घोर विरोध गर्दै मेलालाई बहिस्कार गरेका छन् ।
बीरगंज महानगरपालिका वडा नं. २६ का अध्यक्ष शम्भु मिश्रा विकास प्रेमी भएकै कारण उनी दोस्रो कार्यकाल पनि भारी बहुमतले बिजयी भएका थिए । तर यता आएर गलत सल्लाहकारहरुको कारण उनको काम गर्ने तरिका परिवर्तन भइ सकेको कारण आगामी दिनमा पनि स्थानिय जनताको साथ पाउन सकिन्छ भन्ने कुरा समयले बताउला ।
