दीपेन्द्र प्रजापति/कालो झोला ।
बीरगंज, ०६ कार्तिक । दशकौं देखि नेपाल प्रहरी तथा सशस्त्र प्रहरी बल नेपाल ले गर्न नसकेको काम आज सशस्त्र प्रहरी बल नेपाल प्रस्तावित सीमा सुरक्षा गुल्म, अलौं मा गुल्मपति को रुपमा भर्खरै आउनु भएका सशस्त्र प्रहरी नायब उपरीक्षक सुरज कार्कीले गरेर देखाउनु भएको छ ।
हुन त लगभग दुई किलो ग्राम प्रतिवन्धित लागु औषध गाँजा कुनै खास अर्थ नराखे पनि सबै भन्दा ठूलो कुरा भनेको जुन ठाउँमा प्रस्तावित सीमा सुरक्षा गुल्म छ, कारोबारी पनि त्यहीँ का हुन् । प्रारम्भिक अनुसंधानको मुताबिक निज अंसारी विगत ३० वर्ष देखि लागू औषधको कारोबार मा पूर्ण रुपमा सक्रिय रहँदै आएका थिए र उनी पर्सा कै विभिन्न गाउँहरू बाट गाँजा खरिद गरि भारतको विभिन्न स्थानहरूमा लगि बिक्री गर्ने गरेका थिए ।
समय समयमा पर्सा का विभिन्न नाका परिवर्तन गरि आफ्नो कारोबारलाई व्यवस्थित तरिकाले गर्दै आएका थिए तर आफ्नो नजिक रहेको कारण बढीमा अलौं नाका नै प्रयोग गर्दै आएका थिए । जुन आज पहिलो पटक सशस्त्र प्रहरी नायब उपरीक्षक कार्कीले विफल बनाई दिएका छन् ।
उनलाई बिहीबार बिहान करिब ०८:५० बजेको समयमा विरगंज महानगरपालिका वडा नं. १७, अलौ पोष्ट नजिक पक्राउ गरिएको छ । सशस्त्र प्रहरी बल नेपाल प्रस्तावित सीमा सुरक्षा गुल्म, अलौ बाट खटिएका सशस्त्र प्रहरी नायब उपरीक्षक सुरज कुमार कार्कीको कमाण्डमा ०५ जनाको गाडी मोबाईल टोलीले चेक जाँच गर्ने क्रममा नेपालबाट भारत तर्फ साईकलमा जाँदै गरेको विरगंज महानगरपालिका वडा नं. २६, अठराहाँ बस्ने अंदाजी वर्ष ७४ का ईस्लाम मियाँ अन्सारीले बोकेको झोलामा १ किलो ९ सय ८५ ग्राम गाँजा फेला परेको हुँदा साईकल सहित निजलाई नियन्त्रणमा लिई प्रवडा प्रहरी कार्यालय, श्रीपूरमा बुझाइएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरिक्षक बिश्व राज योञ्जन ले बताएका छन् ।
