स्पेनिस ला लिगा अन्तर्गत बार्सिलोनाले एस्पानियोललाई पराजित गरेको छ ।
गएराती सम्पन्न खेलमा बार्सिलोनाले एस्पानियोललाई २-० गोल अन्तरले पराजित गरेको हो । बार्सिलोनाको जितमा डानी ओल्मो र रोबेर्ट लेवानडोस्कीले एक एक गोल गरेका थिए ।
यो जितपछि बार्सिलोनाको १९ खेलमा ४९ अंक भएको छ र लिगमा शिर्ष स्थानमा रहेको छ । बार्सिलोना रियल म्याड्रिडभन्दा ७ अंकले अगाडी भएको छ । दोस्रो स्थानमा रहेको रियल म्याड्रिडको १८ खेलमा ४२ अंक रहेको छ । त्यस्तै एस्पानियोलको १८ खेलमा ३३ अंक रहेको छ र लिगमा पाँचौं स्थानमा छ ।
