दीपेन्द्र प्रजापति/कालो झोला ।
बीरगंज, ०९ वैशाख । जिल्ला प्रहरी कार्यालय, पर्सा ले विशेष सूचनाको आधारमा आईतबार राति करिब ०९:५५ बजेको समयमा वीरगञ्ज महानगरपालिका वडा नं. ०८, लिंक रोड सडक खण्ड स्थित समर होटल एण्ड लज बाट ठूलो परिमाणमा प्रतिबन्धित लागु औषध सहित एक जना भारतीय नागरिकलाई आफ्नो नियन्त्रणमा लिएको छ ।
उक्त राति उल्लेखित होटेलमा लागु औषध ओसार पसार गर्ने संकास्पद व्यक्ति छन् भन्ने प्राप्त सूचना अनुसार त्यहाँ बाट खटिएको प्रहरी टोलीले कानूनी रितपूर्वक सो होटलको कोठा नं. १०५ मा रीतपूर्वक खानतलासी गर्दा भारतको विहार राज्य जिल्ला मोतीहारी, थाना तथा ग्राम पञ्चायत भेलाही बस्ने वर्ष २० को सागर कुमार पटेललाई नियन्त्रणमा लिइएको साथै निजको साथ बाट प्रतिबन्धित लागु औषध Tramadol Hydrochloride Ip-50 Tramol १ पत्तामा १० पिसका दरले ३ हजार पत्तामा जम्मा ३० हजार पिस ट्याब्लेट्स बरामद गरि आवश्यक अनुसन्धान कार्य भैरहेको कुरा सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
