दीपेन्द्र प्रजापति/कालो झोला ।
बीरगंज, ०५ जेष्ठ । जिल्ला प्रहरी कार्यालय, पर्सा ले बोक्सीको आरोप कसूरमा तीन जना महिलाहरुलाई आफ्नो नियन्त्रणमा लिएको छ ।
गत २०८२ साल फागुन २७ गते बिहान करिब ११:३० बजेको समयमा वीरगञ्ज महानगरपालिका वडा नं. ३२, चोर्नी टोल स्थित गहुँ बारीमा बाली हेर्न जाने क्रममा सोही ठाउँ बस्ने वर्ष २८ की मुनती देवी समेतले जाहेरवालीलाई बाटो छेकी झुक्यानमा पारी एकछिन काम छ भन्दै जोरजुलुम गरी आफ्नो घर आँगनमा लगि मलाई किन भुत प्रेत लगाइ बिरामी पारेको भनी गाली गलौज तथा चप्पलले कुटपिट गरेको भनी समेत व्यहोराको वीरगञ्ज महानगरपालिका वडा नं. ३२, चोर्नी बस्ने वर्ष ७२ की कोशिलिया अहिरिनले दिएको जाहेरी दरखास्तको आधारमा सो कार्यमा संलग्न ति महिलाहरुलाई मंगलबार नियन्त्रणमा लिएको हो ।
यसै गरी पक्राउ पर्नेमा वीरगञ्ज महानगरपालिका वडा नं. ३२, चोर्नी बस्ने क्रमशः वर्ष ३८ की पिंकी देवी, वर्ष ४४ की पानामति देवी तथा वर्ष ५४ की शान्ति देवी धानुक सहितको महिलाहरूलाई मंगलबार दिउँसो करिब १२:१५ बजेको समयमा वीरगञ्ज महानगरपालिका वडा नं. ०८, घण्टाघरमा घुमफिर गरिरहेको अवस्थामा त्यहाँ बाट खटिएको प्रहरी टोलीले निजहरूलाई नियन्त्रणमा लिइ बोक्सीको आरोप ( कसूर र सजाय ) ऐन,२०७२ अनुसार सम्मानित पर्सा जिल्ला अदालतबाट सात दिनको म्याद थप लिइ आवश्यक अनुसन्धान कार्य भैरहेको कुरा सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
