विगो भरि भराउ मुद्दाका फरार दुई जना प्रतिवादी पक्राउ-

-दीपेन्द्र प्रजापति/कालो झोला ।

बीरगंज, ०७ जेठ । वडा प्रहरी कार्यालय, श्रीपुर बाट खटिएको विगो भरि भराउ टोली ले विशेष सूचनाको आधारमा बुधबार दिउँसो करिब १२:०० बजेको समयमा वीरगञ्ज महानगरपालिका वडा नं. २० स्थित लुकिछिपि बस्दै आएका पर्सा जिल्ला अदालतको फैसलाले विगो भरी भराउ मुद्दामा २ वर्ष कैद तोकिएका फरार प्रतिवादी वीरगञ्ज महानगरपालिका वडा नं. २० बस्ने वर्ष ५० को अनुप महतोलाई नियन्त्रणमा लिइ पर्सा जिल्ला अदालतमा बुझाइएको छ ।

यसै गरी विशेष सूचनाकै आधारमा बुधवार साँझ करिब ०५:०० बजेको समयमा जिल्ला प्रहरी कार्यालय, पर्सा बाट खटिएका फैसला कार्यन्वयन टोलीले वीरगञ्ज महानगरपालिका वडा नं. २१, परवानीपुर स्थित लुकिछिपि बस्दै आएका पर्सा जिल्ला अदालतको फैसलाले विगो भरी भराउ मुद्दामा २ वर्ष कैद तोकिएका फरार प्रतिवादी पर्सा जिल्लाको बहुदरमाई नगरपालिका वडा नं. ०३ बस्ने वर्ष ४५ को सोनालाल साह तेलीलाई नियन्त्रणमा लिइ पर्सा जिल्ला अदालतमा बुझाइएको कुरा सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।