दीपेन्द्र प्रजापति/कालो झोला ।
बीरगंज , ०५ असार । आउँदै गरेको मनसुन तथा विभिन्न प्रकारका प्राकृतिक एवं मानवजन्य विपद्हरूलाई मध्यनजर गर्दै विपद् व्यवस्थापन सम्बन्धी विशेष तालिम सुरु भएको थियो ।
सशस्त्र प्रहरी बल, नेपाल नं. १३ गण हे.क्वा. पर्साको आयोजना तथा वीरगञ्ज महानगरपालिकाको संयोजनमा तिन दिने “विपद् स्वयंसेवक परिचालन विस्तारित पुनर्ताजगी तालिम” सुरु भएको हो ।
वीरगञ्ज महानगरपालिका कार्यालयको सभाहलमा सोमबार बिहान ०९:०० बजे देखि तालिमको औपचारिक सुरुवात गरिएको थियो ।
दुई कार्य दिन सम्म सञ्चालन भएको यस विशेष पुनर्ताजगी तालिममा स्थानीय समुदायका ३० जना प्रशिक्षार्थीहरू सहभागी रहेका थिए ।
तालिम अवधिभर सशस्त्र प्रहरी बलका दक्ष प्रशिक्षकहरूले विपद् व्यवस्थापन, प्राथमिक उपचार, र खोजी तथा उद्धार कार्यका विभिन्न सीपहरू सिकाईएको थियो ।
सो तालिमको समापनमा प्रमुख अतिथिको रुपमा बिरगंज माहानगरपालिका कार्यालयको प्रमुख प्रशासकिय अधिकृत बसन्त बहादुर बोहरा पाल्नुभएको र उक्त कार्यक्रममा नं.१३ गण पर्साका गणपति सशस्त्र प्रहरी उपरीक्षक मोहन बहादुर क्षेत्रि लगायत अन्य अधिकृतहरुको समेत उपस्थिति रहेको थियो ।यस तालिमले वीरगञ्ज क्षेत्रमा हुन सक्ने सम्भावित विपद्जन्य क्षतिलाई न्यूनीकरण गर्न र जनधनको रक्षा गर्न ठूलो मद्दत पुग्ने विश्वास सशस्त्र प्रहरी बल नेपालले लिइएको कुरा नं. १३ गणका सूचना अधिकारी सशस्त्र प्रहरी नायब उपरीक्षक मोहन राज निरौलाले बताएका छन् ।
