गण्डकी, २८ असार : गण्डकी प्रदेशका मुख्यमन्त्री सुरेन्द्रराज पाण्डेले प्रदेशलाई आत्मनिर्भर बनाउने विषय प्राथमिकतामा रहेको बताउनुुभएको छ ।
गण्डकी प्रदेश नीति तथा योजना आयोगद्वारा दोस्रो पञ्चवर्षीय योजना (२०८१/८२–२०८५/८६) को मस्यौदा छलफल सम्बन्धमा आयोजित प्रदेश विकास परिषद् बैठकको अध्यक्षता गर्दै उहाँले आत्मनिर्भर र समुन्नत प्रदेश बनाउने सोचका साथ सरकार अघि बढ्ने बताउनुुभयो । प्रदेश स्थापनाको छ वर्ष भइसकेका अवस्थामा यसको औचित्यबारे प्रश्न उठेको बताउँदै उहाँले कामबाट जवाफ दिनुुपर्ने आवश्यकता औँल्याउनुुभयो । सङ्घसँगको परनिर्भरता घटाउँदै प्रदेशलाई आत्मनिर्भर बनाउने सोचका साथ अघि बढ्नुु जरुरी भएको उहाँको भनाइ थियो । उहाँले उत्पादनमा जोड दिनुुपर्ने बताउनुुभयो । प्रदेशको आत्मनिर्भरता बढाउन र बढ्दो बसाइँसराइ घटाउन युवाको विदेश पलायनलाई रोक्ने किसिमका कार्यक्रम अघि बढाइने उहाँले उल्लेख गर्नुभयो । लामो समयको प्रयासपछि प्रदेशको दोस्रो पञ्चवर्षीय योजनाको मस्यौदा तयार भएको बताउँदै उहाँले सम्बद्ध सबै पक्षबाट प्राप्त सकारात्मक सुुझावलाई आत्मसात् गरिने बताउनुुभयो । गण्डकी प्रदेशका आर्थिक मामिलामन्त्री डा टकराज गुुरुङले योजना तथा कार्यक्रममार्फत जनताका अपेक्षा पूरा गर्ने किसिमले अघि बढ्नुु जरुरी रहेको बताउनुुभयो । गण्डकी प्रदेश नेपाल कम्युनिष्ट पार्टी (एमाले) संसदीय दलका नेता खगराज अधिकारीले उत्पादन वृद्धि र रोजगारी सृजना गर्ने किसिमका कार्यक्रम आवश्यक रहेकामा जोड दिनुुभयो । राष्ट्रिय प्रजातन्त्र पार्टी संसदीय दलका नेता पञ्चराम गुरुङले जीवनोपयोगी व्यावहारिक शिक्षालाई प्राथमिकतामा राख्नुुपर्ने बताउनुुभयो । नीति तथा योजना आयोग गण्डकी प्रदेशका उपाध्यक्ष डा कृष्णचन्द्र देवकोटाले सम्बद्ध सबै पक्षसँग विभिन्न चरणमा छलफल गरी दोस्रो पञ्चवर्षीय योजनाको मस्यौदा तयार गरिएको बताउनुुभयो । कार्यक्रममा नीति तथा योजना आयोग गण्डकी प्रदेशका सदस्य माया तिमल्सिना, गाउँपालिका महासङ्घ गण्डकी प्रदेशका अध्यक्ष नवराज ओझा, पोखरा उद्योग वाणिज्य सङ्घका अध्यक्ष पवनकुुमार प्रजापतिलगायतले योजना कार्यान्वयमा जोड दिनुुभएको थियो ।
कार्यक्रममा विभिन्न पाँचवटा विषय क्षेत्र समूह विभाजन गरी ती समूहबाट प्राप्त छलफल तथा सुुझाव सङ्कलन गरी प्रस्तुुति गरिएको थियो ।
