दीपेन्द्र प्रजापति/कालो झोला ।
बीरगंज, ०८ असोज । ईलाका प्रहरी कार्यालय, पोखरिया ले विशेष सूचनाको आधारमा Gen-Z आन्दोलनको फाइदा उठाउँदै काठमाडौं कारागार बाट भागेका ज्यान मुद्दाका अपराधीलाई पक्राउ गरेको छ ।
पर्सा जिल्लाको कालिकामाई गाउँपालिका वडा नं. ०५, सिमरा बस्ने वर्ष ४० को मुक्ति नारायण कुर्मी कैदी ( आई. डी. नं. ३८८८१६८ ) भएका आफ्नै श्रीमती वर्ष ३५ की संगिता देवी कुर्मीनलाई घाँटी थिचि कर्तव्य गरी मारेको मुद्दामा पर्सा जिल्ला अदालत बाट २५ वर्ष कैद तोकिएका कसूरदार भदौ २४ गते Generation-Z ( Gen-Z ) आन्दोलनका क्रममा केन्द्रिय कारागार जगनाथदेवल, काठमाण्डौ बाट फरार पश्चात् आफ्नै गाउँ घरमा लुकी छिपी बस्दै आएको भन्ने सूचना अनुसार मंगलवार राति करिब ०७:३० वजेको समयमा निजकै घर बाट पक्राउ गरी यस कार्यालयमा ल्याइ सम्बन्धित कारागार कार्यालयमा पठाइने कार्य भइरहेको कुरा सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
