काठमाडौँ । बुधबार दुर्घटना भएको एयर डाइनेस्टीको हेलिकप्टरमा पाँच जना सवार रहेको खुलेको छ । एयर डाइनेस्टीका पाइलट अरुण मल्लले बुधबार दिउँसो १ बजेर ५४ मिनेटमा चार जना चिनियाँ पर्यटक बोकेर त्रिभुवन विमानस्थलबाट रसुवाका लागि उडेका थिए ।
त्रिभुवन विमानस्थलबाट उडेको तीन मिनेटमै मल्लले चलाएको एअर डाइनेष्टीको हेलिकप्टर दुर्घटनामा परेको हो । दुर्घटना स्थलमा जलेको अवस्थामा पाइलटसहित पाँच जनाको शव भेटिएको जिल्ला प्रहरी कार्यालय नुवाकोटका सूचना अधिकारी एवम् डीएसपी तिलक भारतीले पुष्टि गरे ।
दुर्घटनाग्रस्त हेलिकप्टरमा को को थिए ?
क्याप्टेन-अरुण मल्ल
चिनियाँ पर्यटकहरू
१. जुदाड टाङ (पुरुष)
२. जिली (पुरुष)
३. जेमिङ सी (पुरुष)
४. यियाद वु (महिला)
