दीपेन्द्र प्रजापति/कालो झोला ।
बीरगंज, १९ श्रावण । जिल्ला प्रहरी कार्यालय, पर्सा ले विशेष सूचनाको आधारमा बिहीबार राति करिब १०:०५ बजेको समयमा बीरगंज महानगरपालिका वडा नं. १४, गण्डक स्थित सडक खण्ड बाट ना. ३ ख १६३१ नम्बरको एउटा मालवाहक ट्रक मा अंदाजी मूल्य रू.. ३७ लाख ६२ हजार ९ सय १६ बराबरको औषधी तथा खुद्रा सामानहरू लोड रहेको हुँदा शंकास्पद रुपमा बरामद गरी आवश्यक कारवाहीको लागि आज राजश्व अनुसन्धान कार्यालय, पथलैया बारा मा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
