काठमाडौँ । प्रिमियर लिग अन्तर्गत टोटनह्याम बोर्नमाउथसँग स्तब्ध भएको छ ।
गएराति सम्पन्न खेलमा बोर्नमाउथले टोटनह्यामलाई १-० गोल अन्तरले पराजित गरेको हो । बोर्नमाउथका लागि खेलको पाँचौं मिनेटमा इभानिल्सनले गरेको गोल नै खेलको निर्णायक गोल बनेको थियो ।
यो यस सिजनको तेस्रो खेलमा बोर्नमाउथको दोस्रो जित हो । त्यस्तै यस अघि दुई खेल लगातार जितेको टोटनह्यामले आफ्नो यस सिजनको तेस्रो खेलमा हार बेहोरेको छ ।
