काठमाडौँ । अस्ट्रेलियाली अलराउन्डर क्रिकेटर ग्लेन म्याक्सवेलले डिसेम्बर १६ मा अबुधाबीमा हुने इन्डियन प्रिमियर लिग (आईपीएल) को लिलामीबाट आफ्नो नाम फिर्ता लिएका छन् । उनले सामाजिक सञ्जालमार्फत आइपिएलको अक्सनमा सहभागी नहुने बताएका हुन् ।
म्याक्सवेलले भनेका छन्- ‘धेरै यादगार आईपीएल सिजन पछि, मैले यस वर्ष लिलामीमा प्रवेश नगर्ने निर्णय गरेको छु । यो ठूलो निर्णय हो ।’
३७ वर्षीय म्याक्सवेलले २०१२ देखि २०१९ बाहेक हरेक आईपीएल सिजनमा खेलेका थिए । उनले १४१ खेलमा केवल २,८१९ रन बनाएका छन्। उनको स्ट्राइक रेट १५५ भन्दा बढी छ, तर उनको औसत २४ भन्दा कम छ । उनले आइपिएलमा ४१ विकेट पनि लिएका छन् ।
उनले आइपीएलमा दिल्ली, मुम्बई, पञ्जाव, रोयल च्यालेन्जर्स बैंगलुरुबाट खेलेका थिए ।
