दीपेन्द्र प्रजापति/कालो झोला ।
बीरगंज, १९ श्रावण । जिल्ला प्रहरी कार्यालय, पर्सा तथा ईलाका प्रहरी कार्यालय, ठोरी ले विशेष सूचनाको आधारमा बिहीबार राति करिब ०९:३० बजेको समयमा प्रतिवन्धित लागु औषध गाँजा ५० किलो सहित एक ३० वर्षिय महिला लाई आफ्नो नियन्त्रणमा लिएको छ ।
उक्त दिन त्यहाँ बाट खटिएको संयुक्त प्रहरी टोलीले पर्सा जिल्लाको ठोरी गाउँपालिका वडा नं. ०२, सुन्दर बस्ती बस्ने बर्ष ३० की अनिता गुरौले आफ्नै घरमा लागु औषध गाँजा लुकाइ छिपाइ राखिएको अवस्था बाट कानूनी रितपुर्याइ खानतलासी गर्दा उक्त कोठामा रहेको बक्स पलङ्गभित्र लुकाइ छिपाइ राखिएको लागु औषध गाँजा ५० किलो फेला परेकोले निज अनिता गुरौलाई नियन्त्रणमा लिइ निज विरुद्ध लागु औषध सम्बन्धी कसूरमा पर्सा जिल्ला अदालत बाट पाँच दिनको म्याद थप अनुमति लिइ थप अनुसन्धान कार्य भैरहेको आज सूचना अधिकारी प्रहरी नायब उपरीक्षक दीपक भारति ले बताएका छन् ।
