काठमाडौँ । नेपाली काँग्रेसका सांसद चन्द्रकान्त भण्डारीले सहज रूपमा मानव अंग प्रत्यारोपण गर्न पाउने व्यवस्था गर्न सरकारको ध्यानाकर्षण गराएका छन् ।
प्रतिनिधि सभाको आजको बैठकको विशेष समयमा बोल्दै उनले मिर्गौला प्रत्यारोपण गर्न नपाएको कारण कीर्तिपुरका प्रमुखको निधन भएको र उपचारको अभावमा संगितकार गुरुदेव कामदको निधन हुनुभन्दा विडम्बनापूर्ण रहेको बताए ।
उनले रोग लाग्नुभन्दा पहिले नै निदानको प्रबन्ध गर्न र हरेक विद्यालयमा योग शिक्षकको व्यवस्था गर्न गर्नुपर्ने बताए । सांसद भण्डारीले शिक्षा प्रणालीमा देखिएको समस्या समाधान गर्न र आगामी दिनमा उत्पन्न हुनै नदिने प्रबन्ध गर्नैपर्ने उल्लेख गरे ।
नदी किनार, पहिरो जाने स्थानमा लामो समयदेखि बस्दै आएका सुकुम्वासीलाई राजनीतिक पार्टीको रसिद थमाइएको तर उनीहरूको समस्या समाधान हुन नसकेको उल्लेख गर्दै उनले वास्तविक सुकुम्वासी पहिचान गर्नुपर्ने बताए । उनले राजनीतिक स्थायित्व भएको खण्डमा मुलुक बन्ने स्पष्ट पारे ।
