काठमाडौँ उपत्यकामा मौसममा आएको परिवर्तनसँगै प्रदुषणको मात्र पनि बढेको छ । आइतबारदेखि मौसममा आएको परिवर्तनसँगै काठमाडौँमा वायू प्रदूषण बढेको हो ।
वायु प्रदूषणको अवस्था रियल टाइममा मापन गर्ने आईक्यू एयरकाअनुसार अहिले काठमाडौँ विश्वको सबैभन्दा बढी वायू प्रदूषण भएको चौथो शहर रहेको छ । अहिले (सोमबार अपराहन्न १२: ४५ बजे) काठमाडौँको एयर क्वालिटी इन्डेक्स १८८ रहेको छ । जसलाई चिन्ताजनक मानिन्छ । काठमाडौँ भन्दा बढी वायुको स्तर भारतको दिल्लीको १९१, बंगलादेशको ढाकाको १९४ र पाकिस्तानको लाहोरको २४१ रहेको छ ।
वायु गुणस्तर सूचक शून्य देखि ५० सम्म हुँदा राम्रो, ५१ देखि १०० सम्म हुँदा सन्तोषजनक, १०१ देखि २०० सम्म हुँदा विचारणीय वा चिन्ताजनक, २०१ देखि ३०० सम्म कमजोर, ३०१ देखि ४०० सम्म अति कमजोर र ४०१ देखि ५०० सम्म अति घातक मानिन्छ ।
