काठमाडौँ । अमेरिका इरानसँग महँगो युद्ध लडिरहेको विश्लेषण गरिएको छ ।
अमेरिकाले इरानका सस्तो ड्रोन खसाल्न निकै महँगो अवरोधक क्षेप्यास्त्र प्रयोग गरिरहेको जनाइएको छ । सैन्य विवरणअनुसार इरानका ड्रोन रोक्न अमेरिकाले ‘पैट्रिएट पीएसी–३’ अवरोधक क्षेप्यास्त्र प्रयोग गरिरहेको छ । एउटा इरानी ड्रोनको मूल्य करिब ३५ हजार डलर रहेको छ । तर उक्त ड्रोन खसाल्न प्रयोग गरिने एउटा पैट्रिएट पीएसी–३ क्षेप्यास्त्रको मूल्य करिब ३.७ मिलियन डलर अर्थात पर्ने उल्लेख गरिएको छ ।
सैन्य विश्लेषकहरूका अनुसार ड्रोन नखसालिएमा त्यसले हवाई अड्डा, तेल प्रशोधन केन्द्र, विद्युत् केन्द्र वा अन्य महत्वपूर्ण संरचनामा ठूलो क्षति पुर्याउन सक्छ । त्यसैले सम्भावित ठूलो क्षति रोक्न महँगो क्षेप्यास्त्र प्रयोग गर्नु बाध्यताजस्तै बन्ने गरेको बताइएको छ ।
